Nua lavura la regenza?
Las plazzas da lavur da las cusseglieras federalas e dals cussegliers federals sa chattan en lur departaments respectivs. Per lur sesida emnila sa scuntran ellas ed els en la sala da sesidas dal Cussegl federal. Occurrenzas spezialas han lieu en la residenza da champagna Lohn a Kehrsatz u en la Chasa Beatrice von Wattenwyl a Berna.
Stanza da sesidas dal Cussegl federal
Sin l'emprim plaun da la Chasa federala vest stattan a disposiziun al Cussegl federal quatter stanzas da sesidas e d'accoglientscha. En la sala da sesidas dal Cussegl federal – er numnada «Chalet fédéral» – han lieu las sesidas emnilas dal Cussegl federal.
Residenza dal Cussegl federal
La Chasa von Wattenwyl e la residenza da champagna Lohn èn las residenzas dal Cussegl federal. Là vegnan beneventads ils giasts dal stadi. A la Confederaziun appartegna er l'hotel Bellevue Palace a Berna.