Iniziativa «Per la lètg e la famiglia – Na als dischavantatgs per pèrs maridads»
Ils 28 da favrer han las persunas svizras cun dretg da vuschar votà davart l'iniziativa dal pievel «Per la lètg e la famiglia – Na als dischavantatgs per pèrs maridads».
Resultats
- «Per la lètg e la famiglia – Na als dischavantatgs per pèrs maridads - Resultats uffizials provisorics (DE)
- Ina survista dals resultats (DE)
Da tge sa tracti?
L’iniziativa pretenda che la lètg na vegnia betg disfavurisada envers autras furmas da viver, en spezial betg tar las taglias e tar las assicuranzas socialas. La lètg duai esser la cuminanza da vita da dunna ed um ch’è concepida per lunga durada, ed ils conjugals duain furmar en reguard fiscal ina cuminanza economica.
La dumonda da votaziun
Vulais Vus acceptar l’iniziativa dal pievel «Per la lètg e la famiglia – Na als dischavantatgs per pèrs maridads»?
Recumandaziun a votantas e votants
Il Cussegl federal ed il parlament recumondan da refusar l’iniziativa.
Il Cussegl naziunal ha refusà l’iniziativa cun 107 cunter 85 vuschs ed 1 abstenziun, il Cussegl dals chantuns cun 25 cunter 20 vuschs senza abstenziuns.
