Iniziativa davart ils stipendis
Ils 14 da zercladur han las persunas svizras cun dretg da vuschar votà davart «l’iniziativa davart ils stipendis».
Resultats
- Ina survista dals resultats (DE)
- Conferenza da medias dal Cussegl federal davart ils resultats da votaziun (DE)
Explicaziuns dal Cussegl federal
Da tge sa tracti?
Questa iniziativa dal pievel pretenda che betg pli ils chantuns, mabain da nov la Confederaziun saja cumpetenta per stipendis en il sectur da la furmaziun superiura. Tgi che studegia en ina scola auta u fa ina furmaziun professiunala superiura, duai survegnir stipendis tenor criteris unitars che valan en tut la Svizra, e quests stipendis duain garantir in standard da viver minimal.
La dumonda da votaziun
Vulais Vus acceptar l’iniziativa dal pievel «Iniziativa davart ils stipendis»?
Recumandaziun a votantas e votants
Il Cussegl federal ed il parlament recumondan da refusar l’iniziativa.
Il Cussegl naziunal ha refusà l’iniziativa cun 135 cunter 58 vuschs e 2 abstenziuns, il Cussegl dals chantuns cun 32 cunter 12 vuschs ed 1 abstenziun.
