Iniziativa dal pievel «Per in'economia duraivla ed effizienta areguard la gestiun da las resursas (economia verda)»
Ils 25 da settember 2016 la populaziun ha votà davart l'iniziativa dal pievel «economia verda» .
Resultats
- Iniziativa dal pievel «economia verda» - Resultats uffizials provisorics (DE)
- Ina survista dals resultats (DE)
- Conferenza da medias dal Cussegl federal davart ils resultats da votaziun
Explicaziuns dal Cussegl federal
Da tge sa tracti?
L’iniziativa pretenda che la Confederaziun, ils chantuns e las vischnancas prendian mesiras, per che l’economia dovra las resursas en moda effizienta e schanegia tant sco pussaivel l’ambient. Fin l’onn 2050 duai la Svizra reducir il consum da resursas uschè fitg, ch’el na surpassa tenor la calculaziun stimada betg pli la capacitad natirala da la Terra.
La dumonda da votaziun
Vulais Vus acceptar l’iniziativa dal pievel «Per in’economia duraivla ed effizienta areguard la gestiun da las resursas (economia verda)»?
Recumandaziun a las votantas ed als votants
Il Cussegl naziunal ha refusà l’iniziativa cun 128 cunter 62 vuschs e 2 abstenziuns, il Cussegl dals chantuns cun 31 cunter 13 vuschs senza abstenziuns.
