Diagnostica da preimplantaziun
Ils 14 da zercladur han las persunas svizras cun dretg da vuschar votà davart «la midada da l’artitgel constituziunal concernent la medischina da reproducziun e la tecnologia da gens sin il sectur uman».
Resultats
- Ina survista dals resultats (DE)
- Conferenza da medias dal Cussegl federal davart ils resultats da votaziun (DE)
Da tge sa tracti?
Tras la midada da l’artitgel constituziunal vegn stgaffida la premissa per che tscherts pèrs possian far diever cun schanzas da success da la diagnostica da preimplantaziun, vul dir da l’analisa genetica d’embrios, avant che quels vegnanimplantads en la madra da la mamma.
La dumonda da votaziun
Vulais Vus acceptar il Conclus federal dals 12 da december 2014 davart la midada da l’artitgel constituziunal concernent la medischina da reproducziun e la tecnologia da gens sin il sectur uman?
Recumandaziun a votantas e votants
Il Cussegl federal ed il parlament recumondan d’acceptar la midada da l’artitgel constituziunal.
Il Cussegl naziunal ha acceptà il project cun 160 cunter 31 vuschs e 4 abstenziuns, il Cussegl dals chantuns cun 34 cunter 8 vuschs e 3 abstenziuns.
