Iniziativa «Nagina speculaziun cun nutriment!»
Ils 28 da favrer han las persunas svizras cun dretg da vuschar votà davart l'iniziativa dal pievel «Nagina speculaziun cun nutriment!».
Resultats
- Nagina speculaziun cun nutriment!» - Resultats uffizials provisorics (DE)
- Ina survista dals resultats (DE)
Da tge sa tracti?
L’iniziativa dal pievel pretenda che fatschentas da finanzas speculativas, che sa refereschan a materias primas agraras ed a nutriment, vegnian scumandadas en Svizra. Ultra da quai duai la Confederaziun s’engaschar sin plaun internaziunal per il cumbat cunter talas fatschentas.
La dumonda da votaziun
Vulais Vus acceptar l’iniziativa dal pievel «Nagina speculaziun cun nutriment!»?
Recumandaziun a votantas e votants
Il Cussegl federal ed il parlament recumondan da refusar l’iniziativa.
Il Cussegl naziunal ha refusà l’iniziativa cun 130 cunter 58 vuschs e 5 abstenziuns, il Cussegl dals chantuns cun 31 cunter 11 vuschs ed 1 abstenziun.
