Elecziun dal Cussegl federal, lieus da lavur e salaris
Las commembras ed ils commembers dal Cussegl federal vegnan elegids dal parlament per quatter onns. Mintga commembra e mintga commember survegn in salari cleramain definì e lavura en il departament ch’ella u el maina. Il Cussegl federal sa scuntra ina giada l’emna per ina sesida en la Chasa federala a Berna.
Elecziun dal Cussegl federal
Co funcziuna in’elecziun dal Cussegl federal? Cura è stada l’ultima elecziun? E tge capita, sch’in cusseglier federal u ina cussegliera federala sa retira?
Quanta paja survegn il Cussegl federal?
Salari, pensiun, vehichels da lavur e.u.v. Qua vegnis Vus a savair dapli davart ils dretgs e las obligaziuns da cusseglieras e cussegliers federals en uffizi ed en pensiun.
Nua lavura la regenza?
Las plazzas da lavur da las cusseglieras federalas e dals cussegliers federals sa chattan en lur departaments respectivs. Per lur sesida emnila sa scuntran ellas ed els en la sala da sesidas dal Cussegl federal. Occurrenzas spezialas han lieu en la residenza da champagna Lohn a Kehrsatz u en la Chasa Beatrice von Wattenwyl a Berna.