Iniziativa dal pievel «Per l’abandun programmà da l’energia nucleara (Iniziativa per l’abandun da l’energia nucleara)»

Ils 27 da november 2016 la populaziun ha votà davart l'iniziativa dal pievel per l’abandun da l’energia nucleara.

Resultats

L’iniziativa vul scumandar la construcziun da novas ovras nuclearas en Svizra e limitar la durada da las ovras nuclearas existentas en funcziun. Ultra da quai duai la Confederaziun procurar ch’i vegnia duvrà main energia, che l’effizienza energetica vegnia augmentada e che energias regenerablas vegnian promovidas.
Vulais Vus acceptar l’Iniziativa dal pievel «Per l’abandun programmà da l’energia nucleara (Iniziativa per l’abandun da l’energia nucleara)»?
Il Cussegl federal ed il parlament recumondan da refusar l’iniziativa. Il Cussegl naziunal ha refusà l’iniziativa cun 134 cunter 59 vuschs e 2 abstenziuns, il Cussegl dals chantuns cun 32 cunter 13 vuschs senza abstenziuns.