Ils 5 da zercladur 2016 ha la populaziun votà davart la midada da la Lescha d’asil (LAsil).
Da tge sa tracti?
Proceduras d‘asil duran oz savens zunt ditg. Il Cussegl federal ed il parlament vulan renovar fundamentalmain il sectur d‘asil cun agid da proceduras pli sveltas e gistas. Cunter questa revisiun da la Lescha d‘asil èsi vegnì fatg in referendum.
La dumonda da votaziun
Vulais Vus acceptar la midada dals 25 da settember 2015 da la Lescha d’asil (LAsil)?
Recumandaziun a las votantas ed als votants
Il Cussegl federal ed il parlament recumondan d’acceptar la midada da la Lescha d’asil.
Il Cussegl naziunal ha acceptà il project cun 138 cunter 55 vuschs ed 1 abstenziun, il Cussegl dals chantuns cun 35 cunter 5 vuschs e 3 abstenziuns.
Documentaziun
Explicaziuns dal Cussegl federal
Text da votaziun
Links
Co, nua, cura? – Infurmaziuns utilas per las votantas et ils votants
Cura è avert mes biro da votaziun? Cura stoss jau trametter mia votaziun per correspondenza? Tge duai jau resgurdar cun emplenir il cedel da votar?
Ultima midada 24.01.2022
