Navigaziun secundara

Onn presidial 2023

President da la Confederaziun 2023 è il Friburgais Alain Berset. El è vegnì elegì en quest uffizi ils 7 da december 2022.

Il president da la Confederaziun Alain Berset e la cussegliera federala Viola Amherd, vicepresidenta dal Cussegl federal.

Il Departament federal da l’intern (DFI) ha l’onn 2023 la funcziun da departament presidial – ina rolla ch’el ha gì l’ultima giada l’onn 2018.

Vicepresidenta dal Cussegl federal per l’onn 2023 è Viola Amherd. Ella maina il Departament federal da defensiun, protecziun da la populaziun e sport (DDPS).

***

«La Svizra n’ha anc ditg betg exaurì ses potenzial, per exempel il potenzial dal cumpromiss, da l’egualitad tranter dunna ed um, da l’inclusiun u il potenzial da las persunas giuvnas en noss pajais.»

(Or dal pled dal cusseglier federal Alain Berset ils 7 da december 2022 davant l'Assamblea federala plenara)

Pled d’acceptaziun da l’elecziun

Ils pleds dal president da la Confederaziun vegnan publitgads sin la pagina d’internet da ses departament, il Departament federal da l’intern (DFI).

Tar il cumenzament da la pagina

Onn presidial 2023: president da la Confederaziun Alain Berset

Retrospectiva sin l'onn presidial 2022: president da la Confederaziun Ignazio Cassis

Retrospectiva sin l'onn presidial 2021: President da la Confederaziun Guy Parmelin

Retrospectiva sin l'onn presidial 2020: Presidenta da la Confederaziun Simonetta Sommaruga

Onn presidial 2019: president da la Confederaziun Ueli Maurer

Onn presidial 2018: president da la Confederaziun Alain Berset

Retrospectiva sin l'onn presidial 2017: Presidenta da la Confederaziun Doris Leuthard

Retrospectiva sin l'onn presidial 2016: President da la Confederaziun Johann N. Schneider-Ammann

Retrospectiva sin l'onn presidial 2015: Presidenta da la Confederaziun Simonetta Sommaruga

Retrospectiva sin l'onn presidial 2014: president da la Confederaziun Didier Burkhalter

Servetsch presidial

Dapi il cumenzament da l'onn 2015 stat a disposiziun al departament presidial in servetsch presidial ch'è affilià a la Chanzlia federala. Quest servetsch presidial è vegnì installà sin basa d'in conclus dal parlament dals 28 da settember 2012. La basa legala furma la Lescha davart l'organisaziun da la regenza e da l'administraziun (LORA).

Quest servetsch che sustegna il departament presidial tar las incumbensas che vegnan chaschunadas supplementarmain durant l'onn presidial concentrescha en spezial las prestaziuns che la Chanzlia federala (ChF) furnescha dapi in temp pli lung e talas dal Departament federal d'affars exteriurs (DFAE). L'incumbensa centrala dal servetsch presidial è quella da cussegliar la presidenta u il president da la Confederaziun en dumondas da la politica exteriura. Ina tala cussegliaziun devi gia pli baud; ella vegniva fatga dal sectur "Fatschentas presidialas" dal Secretariat da stadi. Anc pli baud vegniva delegà in diplomat en il departament presidial. Il parlament e la regenza spetgan dal servetsch presidial ch'i sa laschian concentrar là experientscha, enconuschientschas spezialas e contacts per installar uschia ina memoria instituziunala – en il senn da la cuntinuitad, ma er da l'effizienza.

Ultima midada 17.01.2023

Tar il cumenzament da la pagina