Alain Berset è vegnì elegì ils 7 da december 2022 sco president da la Confederaziun per l'onn 2023. Suenter l’onn 2018 è quai è ses segund onn presidial.
En ses onn d'uffizi ha il president da la Confederaziun incumbensas spezialas. Quai vala tant per la collavuraziun entaifer la regenza sco er per la represchentaziun vers anora.
Dapi la fundaziun dal stadi federal l'onn 1848 è l'uffizi dal president da la Confederaziun sa midà pliras giadas considerablamain. Bleras chaussas – che sa chapeschan oz da sez – n'eran pli baud insumma betg regladas uschia.
