Infurmaziuns giuridicas

Responsablabad

Malgrà che las autoritads dattan bain adatg che las infurmaziuns publitgadas sin questa pagina d'internet sajan correctas, na pon ellas surpigliar nagina responsabladad per la correctadad dal cuntegn, per l'exactezza, per l'actualitad, per l'autenticitad e per la cumplettezza da talas infurmaziuns.

Las autoritads federalas sa resalvan explicitamain il dretg da midar da tut temp e senza preavis parzialmain u entiramain il cuntegn da la pagina d'internet, d'al stizzar u da suspender temporarmain la publicaziun da quel.

Las autoritads federalas refusan tutta responsabladad per donns materials u immaterials chaschunads tras l'access a las infurmaziuns publitgadas u tras lur utilisaziun resp. nunutilisaziun, tras il maldiever da la colliaziun u tras disturbis tecnics.

Renviaments e links

Renviaments e links ad autras paginas d'internet na tutgan betg en il sectur da responsabladad da las autoritads federalas. L'access a questas paginas d'internet e lur utilisaziun han lieu sin agen ristg da l'utilisadra u da l'utilisader. Las autoritads federalas decleran explicitamain ch'ellas n'hajan nagina influenza sin la furma, sin il cuntegn e sin las purschidas da las paginas, a las qualas ellas renvieschan. Las infurmaziuns ed ils servetschs da questas paginas d'internet stattan cumplainamain en la responsabladad da lur auturas e da lur auturs.

Las autoritads federalas refusan tutta responsabladad per talas paginas d'internet.

Copyright

Dretgs d'autur: autoritads da la confederaziun svizra.

Las infurmaziuns sin las paginas d'internet da las autoritads federalas vegnan messas a disposiziun a la publicitad. Cun chargiar giu u cun copiar texts, maletgs, fotografias u autras datotecas na vegnan transferids nagins dretgs vi dals cuntegns.

Ils dretgs d'autur e tut ils auters dretgs en connex cun ils texts, cun ils maletgs, cun las fotografias u cun autras datotecas sin las paginas da las autoritads federalas tutgan exclusivamain a quellas ubain a las titularas ed als titulars che vegnan menziunads spezialmain. Per la reproducziun da mintga element dovri ordavant l'autorisaziun en scrit da las titularas e dals titulars dals dretgs d'autur.

Decleraziun davart la protecziun da datas

1. Infurmaziuns generalas

Vossas datas èn per nus ina chaussa da confidenza. Natiralmain retschertga l'administraziun federala mo las datas persunalas ch'èn absolutamain necessarias per ademplir sias incumbensas (spargnar datas). Las datas arcunadas vegnan administradas cun quità e protegidas cunter abus da tut gener.

Sa basond sin l'artitgel 13 da la Constituziun federala svizra e sin las disposiziuns dal dretg da protecziun da datas da la Confederaziun ha mintga persuna il dretg sin protecziun da sia sfera privata sco er il dretg sin protecziun cunter l'abus da sias datas persunalas. L'administraziun federala observa questas disposiziuns sin sias paginas ed en ses servetschs d'internet.

2. Champ d'applicaziun

Questa decleraziun davart la protecziun da datas vala tant per tut las paginas d'internet da l'administraziun federala sut la domena "admin.ch" sco er per las paginas d'internet che vegnan manadas da terzas varts per incumbensa da l'administraziun federala e per las datas persunalas che vegnan retschertgadas sur questas paginas d'internet. Questa decleraziun davart la protecziun da datas po vegnir midada da tut temp senza preavis. Per paginas d'internet d'auters purschiders, a las qualas vegn renvià davent da las paginas d'internet da l'administraziun federala u davent da las paginas d'internet che vegnan manadas per sia incumbensa, valan las infurmaziuns e las decleraziuns davart la protecziun da datas da quests purschiders.

Singuls posts da l'administraziun federala han atgnas disposiziuns davart la protecziun da datas u disposiziuns cumplementaras. Apps (abreviaziun da l'englais application, rumantsch applicaziun) ch'èn vegnidas sviluppadas en cooperaziun cun l'administraziun federala, pon avair disposiziuns davart la protecziun da datas ch'èn orientadas al diever concret. Resguardai per plaschair: Sche Vus chargiais giu in'app, vegn il gestiunari da l'App Store per regla a savair, tgi che ha chargià giu l'app.

3. Renviaments

L'administraziun federala na po influenzar ni paginas externas, a las qualas ella renviescha, ni paginas externas che renvieschan a purschidas da l'administraziun federala. L'administraziun federala na po pia betg garantir che las infurmaziuns cuntegnidas sin talas paginas sajan correctas u ch'ellas na cuntegnian betg malware (sco p.ex. virus). Las infurmaziuns e las prestaziuns da paginas u da servetschs d'internet colliads stattan cumplainamain en la responsabladad da lur auturas e da lur auturs. Las autoritads federalas refusan tutta responsabladad per talas paginas u per tals servetschs d'internet.

4. Tge capita cun Vossas datas?

a) Conservaziun e stizzada

L'elavuraziun da datas persunalas sin paginas d'internet da la Confederaziun è limitada a quellas datas ch'èn necessarias per metter a disposiziun ina pagina d'internet che funcziuna sco er cuntegns e prestaziuns simplas d'utilisar, ubain a quellas datas che Vus ans avais mess a disposiziun activamain. Las datas persunalas che nus avain retschertgà vegnan conservadas mo uschè ditg, sco ch'ellas vegnan duvradas per ademplir l'intent respectiv. Prescripziuns legalas ubain ulteriuras obligaziuns pon pretender ina conservaziun pli lunga.

b) Arcunaziun cun emplenir in formular

Sche Vus emplenis in formular sin nossa pagina d'internet (p.ex. in formular da contact), elavurain nus las datas che Vus ans avais mess a disposiziun, uschenavant che quai è necessari per ademplir l'intent da l'elavuraziun resp. per liquidar l'incumbensa. Per regla èn tut las indicaziuns facultativas. Ils champs obligatorics vegnan designads sco tals mo, sche questas indicaziuns èn necessarias per ademplir nossa incumbensa legala u Voss giavisch. Questas datas vegnan stizzadas il pli tard, cur ch'il termin da conservaziun legal è scadì.

c) Arcunaziun per spedir newsletters

Sche Vus empustais ina newsletter, vegnan registradas las suandantas datas: adressa dad e-mail (obligatoricamain); eventualmain la titulaziun, il prenum, il num da famiglia (tut opziunalmain). Vossas datas persunalas en connex cun la spediziun da newsletters abunadas vegnan stizzadas immediatamain, sche Vus n'essas betg pli annunziadas per quella(s).

d) Arcunaziun per l'analisa-web

Tar l'access a paginas ed a servetschs d'internet da l'administraziun federala vegnan arcunadas las suandantas datas en logfiles: l'adressa IP, la data, las uras, la dumonda dal program da navigaziun ed infurmaziuns che vegnan transferidas davart l'apparat duvrà incl. il sistem operativ ed il program da navigaziun. Questas datas vegnan analisadas cun instruments da l'analisa-web (guardar qua sut-vart). Uschia vuless l'administraziun federala meglierar cuntinuadamain la communicaziun.

Instruments da l'analisa-web: Per analisar datas electronicas betg persunalas dovra l'administraziun federala sco standard la software Matomo. Matomo vegn administrà da l'Uffizi federal d'informatica e da telecommunicaziun (UFIT). Er la Chanzlia federala administrescha in server da Matomo. Duvrà vegn in «managed server» da la firma Metanet (Svizra) SA. Il tracking cun agid da Javascript e da Pixel, mo entaifer la domena (admin.ch), vegn controllà dal tuttafatg da l'administraziun federala; tut las datas restan en Svizra. Las datas obtegnidas vegnan duvradas exclusivamain per l'analisa-web; ellas na vegnan betg cundivididas u reunidas cun autras unitads da datas.

Singuls uffizis federals fan er diever d’auters instruments per analisar datas electronicas, per exempel Siteimprove. Tenor la RGPD vegnan las datas elavuradas a l’exteriur europeic (Privacy Policy: Siteimprove Services).

e) Cookies

Per render pli attractiva la visita sin la pagina d'internet e per pussibilitar d'utilisar tschertas funcziuns vegnan duvrads cookies sin differentas paginas da la Confederaziun. Cookies èn pitschnas datotecas da text che vegnan deponidas sin Voss computer. La gronda part dals cookies duvrads vegnan stizzads da Voss disc dir, cur che Vus serrais il program da navigaziun (uschenumnads cookies da sesida u da sessiun). Auters cookies restan sin Voss computer e permettan d'As reidentifitgar a chaschun da Vossa proxima visita (uschenumnads cookies duraivels).

Vus pudais impedir l'arcunaziun da cookies en Voss program da navigaziun cun restrenscher u cun deactivar la funcziun d'arcunar e da leger cookies. Resguardai per plaschair che Vus na pudais betg utilisar tschertas funcziuns da la pagina d'internet senza cookies.

f) Raits socialas ed ulteriurs servetschs da terzs

L'administraziun federala administrescha differents contos resp. profils sin las raits socialas (tranter auter tar Twitter, Facebook, LinkedIN, Xing, Instagram e.u.v.), agens chanals da YouTube e differentas apps. Questas paginas resp. quests servetschs vegnan purschids ed administrads da terzas varts. Mintgina da questas paginas ha atgnas disposiziuns davart la protecziun da datas.

Ultra da quai èn integrads en singulas paginas d'internet da l'administraziun federala directamain servetschs da terzas varts, sco p.ex. YouTube, Twitter, Google Maps, Google Ads, Google Custom Search, Instagram, bit.ly e.u.v. Quests purschiders dovran tranter auter er cookies. Per utilisar las paginas d'internet da l'administraziun federala vegnan transmessas automaticamain datas da las utilisadras e dals utilisaders a questas firmas. En quest connex valan explicitamain las disposiziuns davart la protecziun da datas dal purschider respectiv. Las utilisadras ed ils utilisaders ston esser conscients ch'i pon vegnir rimnadas sur quests servetschs er datas che pon vegnir transmessas a terzas varts. Sche las utilisadras ed ils utilisaders dovran a medem temp in account d'in servetsch, po il gestiunari attribuir questas infurmaziuns transmessas directamain a l'account persunal respectiv.

L'administraziun federala n'ha nagina influenza sin la retschertga da datas e sin l'ulteriura utilisaziun da quellas tras quests gestiunaris. En tge dimensiun, a tge lieu e per tge durada che las datas vegnan arcunadas, quant enavant ch'ils gestiunaris observan las eventualas obligaziuns da stizzar las datas, tge evaluaziuns e tge colliaziuns ch'els fan cun las datas ed a tgi ch'els transmettan las datas, n'è betg visibel per l'administraziun federala. 

Ils servetschs ils pli impurtants administrads da terzas varts, dals quals l'administraziun federala fa diever, èn:

YouTube: Sche Vus avris ina pagina da l'administraziun federala che cuntegna in video da YouTube, vegn fatga ina colliaziun cun ils servers da YouTube ed i vegnan utilisads singuls plug-ins da YouTube (YouTube LLC, 901 Cherry Ave., San Bruno, CA 94066, USA; filiala da Google LLC). En quest cas vegni communitgà a YouTube, tge pagina ch'è vegnida visitada da tge adressa IP.

Google Maps: Per mussar ina charta interactiva e per far plans d'access vegn utilisà en singuls cas il servetsch da chartas Google Maps da Google LLC (1600 Amphitheatre Parkway, Mountain View, CA 94043, USA). Cun duvrar Google Maps pon vegnir arcunadas infurmaziuns davart Vossa utilisaziun (p.ex. adressa IP), che vegnan transmessas ad in server da Google en ils Stadis Unids.

Google Custom Search: Singuls posts da l'administraziun federala utiliseschan il champ da tschertga "Custom Search" da la firma Google LLC. Cun utilisar il champ da tschertga (trametter il formular) vegnan transmessas las datas d'utilisaziun al gestiunari. Infurmaziuns davart il diever da datas d'uti-lisaziun chattais Vus en la Decleraziun davart la protecziun da datas da Google.

Instagram: Instagram, Inc. appartegna a Facebook. Infurmaziuns davart il diever da datas d'utilisaziun chattais Vus en la Directiva davart las datas.

Twitter: Twitter, Inc., 1355 Market Street, Suite 900 San Francisco, CA 94103. Infurmaziuns davart il diever da datas d'utilisaziun chattais Vus en la Decleraziun davart la protecziun da datas ed en la Directiva davart cookies da Twitter.

Bitly: Bitly è in uschenumnà servetsch d'URL curt. bitly, Inc. ha sia sedia a New York, USA. Infurmaziuns davart il diever da datas d'utilisaziun chattais Vus sin https://bitly.com/pages/privacy.

Google reCaptcha: Sut il num reCaptcha fa Google LLC servetschs, ch’enconuschan  acziuns automatisadas sin paginas-web e che pon impedir ellas. Decleraziun davart la protecziun da datas e cundiziun d’utilisaziun da Google.

Provider d’identitad: Per l’access autentic sin applicaziuns da l’administraziun federala pon identitads electronicas vegnir utilisadas, intermediadas tras providers d’identitads da terz. Glista dils providers d’identitad utilisads.

Microsoft Forms: Per elavurar enquistas vegn per part duvrà il servetsch da Microsoft 365 Forms (Microsoft Corp., One Microsoft Way, Redmond, WA 98052-6399, USA). Infurmaziuns davart il diever da datas d'utilisaziun chattais Vus en la decleraziun davart la protecziun da datas ed en las cundiziuns d'utilisaziun da Microsoft.

5. Voss dretgs 

Vus avais il dretg da pretender da tut temp infurmaziuns gratuitas davart l'elavuraziun da Vossas datas persunalas da l'unitad respectiva da l'administraziun federala. As drizzai per quest intent al post numnà en l'impressum. Ulteriurs dretgs, sco il dretg da stizzar las datas, il dretg sin rectificaziun da las datas, il dretg sin limitaziun da l'elavuraziun da las datas ed il dretg sin transmissiun da las datas valan en il rom legal prescrit.

Per metter a disposiziun ina pagina d'internet che funcziuna ston las datas en mintga cas vegnir registradas, arcunadas en logfiles e messas a disposiziun per la pagina d'internet. Pervia da quai na datti nagin dretg da far opposiziun en chaussa per las utilisadras ed ils utilisaders da nossa pagina d'internet.

6. Segirezza da las datas

Pagina d'internet: Entaifer la visita sin la pagina d'internet utilisescha l'administraziun federala ina communicaziun da datas criptada sin basa da TLS en cumbinaziun cun il stgalim da criptadi mintgamai il pli aut che vegn sustegnì da Voss program da navigaziun. Schebain ina singula pagina d'internet vegn transmessa en furma criptada, vesais Vus en il champ d'adressas da Voss program da navigaziun, sch'il simbol da clav respectivamain da marschlos è serrà.

Elavuraziun generala da datas: Ultra da quai applitgescha l'administraziun federala mesiras da segirezza tecnicas ed organisatoricas per l'elavuraziun da datas per proteger Vossas datas cunter manipulaziuns casualas u intenziunadas, cunter la perdita d'ina part u da tut las datas, cunter la destrucziun u cunter l'access nunautorisà da terzas varts. Las mesiras da segirezza da l'administraziun federala correspundan al stadi actual da la tecnica.

7. Manaschi

Per la tgira tecnica dals servers d'internet per il manaschi da las paginas d'internet èn da princip responsabels ils agens furniturs federals da prestaziuns. Singuls servetschs pon er vegnir manads da partenaris externs. Valair valan en quest cas las medemas prescripziuns davart la protecziun da datas sco per las applicaziuns manadas internamain.

8. Num e datas da contact da la persuna responsabla

Sche Vus avais dumondas davart l'elavuraziun da las datas u sche Vus essas da l'avis che l'elavuraziun da Vossas datas persunalas tras l'administraziun federala violeschia Voss dretgs, As drizzai per plaschair a la consulenta u al consulent per dumondas da la protecziun da datas dal post federal ch'è responsabel per la pagina d'internet.

Ultima midada 20.12.2023

Tar il cumenzament da la pagina