Conclus federal davart creaziun d’in fond per las vias naziunalas ed il traffic d’aglomeraziun (NAF)

Da tge sa tracti?

Il project vul garantir la finanziaziun da las vias naziunalas e dals projects en las aglomeraziuns e crear per quest intent in fond da durada illimitada. Uschia vul ins eliminar stretgas sin las vias naziunalas, garantir lur gestiun e mantegniment e cofinanziar projects en las aglomeraziuns.

La dumonda da votaziun

Vulais Vus acceptar il conclus federal dals 30 da settember 2016 davart la creaziun d’in fond per las vias naziunalas ed il traffic d’aglomeraziun?

Recumandaziun a las votantas ed als votants

Il Cussegl federal ed il parlament recumondan d’acceptar la midada da la Constituziun federala.

Il Cussegl naziunal ha acceptà il project cun 146 cunter 48 vuschs e 4 abstenziuns, il Cussegl dals chantuns cun 41 cunter 1 vusch e 2 abstenziuns.

Links

Co, nua, cura? – Co, nua, cura? – Infurmaziuns utilas par las votantas et ils votants

Cura è avert mes biro da votaziun? Cura stoss jau trametter mia votaziun per correspondenza? Tge duai jau resgurdar cun emplenir il cedel da votar? 

Ultima midada 17.06.2019

Tar il cumenzament da la pagina

https://www.admin.ch/content/gov/rm/pagina-iniziala/documentaziun/votaziuns/Votaziund-al-pievel-dals-12-da-favrer-%202017/Conclus-federal-davart-creaziun-d-in-fond-per-las-vias-naziunalas-ed-il-traffic-d-aglomeraziun-NAF.html