Ils 15 da matg 2022 vegn la populaziun a votar davart la Surpigliada da l’Ordinaziun da la UE davart la Guardia europeica da cunfin e da costa (svilup da l’acquist da Schengen).
Curtamain
La Svizra fa part da la rait da segirezza da Schengen. Tarla controlla dals cunfins exteriurs da Schengen dat l’Agentura europeica da la guardia da cunfin e da costa (Frontex) sustegn operativ als stadis da Schengen. La Svizra collavura dapi passadiesch onns cun Frontex.
Dapi l’onn 2019 vegn Frontex engrondidaen la UE. Il Cussegl federal ed il parlament han decidì che la Svizra sa participeschia a l’engrondiment da Frontex. Cunter quai èsi vegnì fatg in referendum. Las adversarias ed ils adversaris argumenteschan che la Svizra haja ina cunresponsabladad en connex cun las violaziuns presumtivas dals dretgs umans tras Frontex, perquai ch’ella sustegna finanzialmain l’agentura.
Cun la refurma survegn Frontex dapli daners e dapli persunal. Vitiers vegnan novas incumbensas en il sectur da la repatriaziun da persunas ch’èn obligadas da bandunar il spazida Schengen. Ultra da quai vegn il post independent per ils dretgs fundamentals engrondì. Il post gida a garantir ils dretgs da tuttas e tuts en cas d’acziuns als cunfins exteriurs da Schengen. Cun il project dal Cussegl federal e dal parlament surpigliala Svizra sia part da questa refurma.
Sia contribuziun finanziala a Frontex crescha pass per pass. La Svizra vegn er a metter a disposiziun dapli persunal e dapli material. Sche la Svizra refusa quest svilup da Schengen, finescha sia collavuraziun cun ils stadis da Schengen e da Dublin automaticamain – nun ch’ils stadis da la UE e la Cumissiun da la UE vegnian encunter a la Svizra.
Dumonda da votaziun:
Vulais Vus acceptar il conclus federal dal 1. d’october 2021 davart l’approvaziun e la realisaziun dal barat da notas tranter la Svizra e la UE concernent la surpigliada da l’Ordinaziun (UE) 2019/1896 davart la Guardia europeica da cunfin e da costa e davart l’aboliziun da las Ordinaziuns (UE) nr.1052/2013 ed (UE) 2016/1624 (svilup da l’acquist da Schengen)?
Recumandaziun dal Cussegl federal e dal parlament
Il Cussegl federal ed il parlament èn persvadids: Frontex è impurtanta per la controlla als cunfins exteriurs e per la segirezza en il spazi da Schengen. Quai è er en l’interess da la Svizra. Cun sia participaziun a Frontex surpiglia ella responsabladad e sa participescha a la concepziun. En cas d’in «na» ristga la Svizra da vegnir exclusa da Schengen/Dublin.
Recumandaziun dal comité da referendum
Per il comité è Frontex cunresponsabla per violenza, miseria e mort als cunfins exteriurs da l’Europa. Tuttina saja planisà d’engrondir massivamain Frontex – er cun daners da la Svizra. Tgi che prendia serius la protecziun da fugitivas e fugitivs stoppia fermar l’engrondiment da Frontex.
Ultima midada 23.03.2022
