Iniziativa dal pievel «Scumond da far experiments cun animals e cun umans»

Ils 13 da favrer 2022 vegn la populaziun a votar davart l'iniziativa dal pievel Iniziativa dal pievel «Gea al scumond da far experiments cun animals e cun umans – Gea a metodas da perscrutaziun che favuriseschan la segirezza ed il progress».

Curtamain

Sco en blers auters pajais èsi permess er en Svizra da far experiments cun animals. Ils experiments vegnan fatgs per sviluppar medicaments e terapias che permettan da tractar meglier malsognas d’umans e d’animals. La Svizra ha ina da las leschas las pli severas sin l’entir mund per far experiments cunanimals: In experiment cun animals vegn permess mo, sch’ils resultats na pon betg vegnir obtegnids en in’autra moda emaniera. Ultra da quai sto il niz per la societad giustifitgar la chargia per ils animals. Plinavant dastgan las perscrutadras edils perscrutaders lavurar en lur experiments mo cun il dumber d’animals ch’è absolutamain necessari, e la chargia per ils animals sto vegnir minimada tant sco pussaivel.

L’iniziativa dal pievel pretenda in scumond da far experimentscun animals. Products ch’èn vegnids sviluppads cun agid d’experiments cun animals na duain plinavant betg pli dastgar vegnir importads. L’iniziativa pretenda la finala che la perscrutaziun, che vegn fatga senza experiments cun animals, survegnia almain il medem sustegn statal sco quai che la perscrutaziun che fa experiments cun animals survegn oz. Er uschenumnads experiments cun umans duain vegnir scumandads. Sche l’iniziativa vegniss acceptada, na dessi en Svizra – tant per ils umans sco er per ils animals – nagins novs medicaments pli che vegnan sviluppads cun agid d’experiments cun animals. Latiers tutgan per exempel er vaccins. La perscrutaziun sco er il svilup da medicament su d’auters products, sco pesticids, vegnissan restrenschids ed eventualmain transferids a l’exteriur.

Dumondada votaziun: 

Vulais Vus acceptar l’iniziativa dal pievel «Gea al scumond da far experimentscun animals e cun umans – Gea a metodas da perscrutaziun che favuriseschan la segirezza ed il progress»?

Recumandaziun dal Cussegl federal e dal parlament

Per il Cussegl federal e per il parlament ha il scumond dafar experiments cun animals dischavantatgs considerabels perla Svizra. Ils umans ed ils animals na pudessan betg pli profitarda bleras novas terapias medicinalas. La perscrutaziun ed il svilup vegnissan restrenschids fermamain e las plazzas da lavur fissan periclitadas.

Recumandaziun dal comité d’iniziativa

Per il comité èsi in fatg nunperstgisabel, sche umans edanimals che n’èn betg abels da dar lur consentiment, vegnan malduvrads per experiments. Nagin animal u nagin uman napossia far prognosas fidadas per in’autra creatira. Las perscrutadras ed ils perscrutaders possian survegnir lur enconuschientschaser cun metodas che na chaschunan naginas suffrientschas.

Ultima midada 06.12.2021

Tar il cumenzament da la pagina

L’app da votaziun da la Confederaziun e dals chantuns: 

https://www.admin.ch/content/gov/rm/pagina-iniziala/documentaziun/votaziuns/20220213/scumond-da-far-experiments-cun-animals.html