Lescha federala davart in pachet da mesiras a favur da las medias

Ils 13 da favrer 2022 vegn la populaziun a votar davart la Lescha federala davart in pachet da mesiras a favurda las medias.

Curtamain

Las gasettas, las staziuns privatas da radio e televisiun scoer las medias online furneschan mintga di infurmaziuns regiunalas e naziunalas a la populaziun. Ellas contribueschan a la furmaziun da l’opiniun politica ed a la coesiun sociala. Malgràlur impurtanza èn las medias localas e regiunalas vegni dasfinanzialmain sut squitsch: Ils daners per la reclama van plisavens a las grondas plattafurmas d’internet internaziunalas.Bleras gasettas èn svanidas. Er las staziuns privatas da radio e televisiun han main entradas tras reclama. Quai indeblescha l’activitad da rapportar or da las regiuns e pia la convivenza sociala.

Il Cussegl federal ed il parlament vulan rinforzar las medias localas e regiunalas. Dapi ditg reducescha la Confederaziun ils pretschs per la distribuziun da gasettas abunadas. Questa reducziun vegn er extendida sin gasettas cun in dumber d’exemplar spli grond e sin la distribuziun matutina. Plinavant vegnan promovidas las medias online, ed ils radios locals sco er las televisiuns regiunalas survegnan dapli sustegn finanzial. La cundiziun è quella, ch’els sa drizzian principalmain ad in public svizzere ch’els tractian temas dals differents secturs da la politica, da l’economia e da la societad. Las mesiras da promoziun vegnan finanziadas cun las entradas da la taxa existenta da radioe televisiun sco er sur las finanzas federalas. Per las gasettas e per las medias online scrodan ellas suenter 7 onns.

Dumondada votaziun: 

Vulais Vus acceptar la Lescha federala dals 18 da zercladur 2021 davart in pachet da mesiras a favur da las medias?

Recumandaziun dal Cussegl federal e dal parlament

Cun sustegnair pli fitg las medias vulan il Cussegl federal ed il parlament impedir che anc dapli gasettas svaneschian u che radios privats stoppian capitular. Mo uschia vegni rapportà er en l’avegnir davart tut las regiuns. Quai è impurtant per la populaziun e per la democrazia directa.

Recumandaziun dal comité da referendum

Per il comité da referendum èn ils plans da sustegnairlas medias in sfarlattim da daners da taglia, dal qual las chasas edituras ritgas profiteschan. Tenor il comité daventan las medias – tras il sustegn – medias statalas. La democrazia directa da la Svizra dovra dentant medias independentas.

153 Ja

Ultima midada 28.12.2021

Tar il cumenzament da la pagina

L’app da votaziun da la Confederaziun e dals chantuns: 

https://www.admin.ch/content/gov/rm/pagina-iniziala/documentaziun/votaziuns/20220213/lescha-federala-davart-in-pachet-da-mesiras-a-favur-da-las-medias.html