Iniziativa dal pievel «Gea a la protecziun dals uffants e dals giuvenils cunter la reclama da tubac (Uffants e giuvenils senza reclama da tubac)»

Ils 13 da favrer 2022 vegn la populaziun a votar davart l'iniziativa dal pievel «Gea a la protecziun dals uffants e dals giuvenils cunter la reclamada tubac (Uffants e giuvenils senza reclama da tubac)».

Curtamain

En Svizra dastgan ins far ozendi – cun tschertas restricziuns– reclama per products da tubac. Scumandadas èn lareclama da tubac al radio ed a la televisiun sco er la reclamache sa drizza sistematicamain a persunas minorennas. La maioritad dals chantuns ha decretà ulteriurs scumonds, per exempel per reclama da tubac sin placats ed en kinos u per il sponsuradi d’occurrenzas.

L’iniziativa vul scumandar la reclama da tubac dapertut là, nua ch’ils uffants ed ils giuvenils la pon vesair, per exempel en la pressa, sin placats, en l’internet, en kinos, als kioscs u adoccurrenzas. Per cigarettas electronicas valessan las medemas reglas. Permessa fiss vinavant la reclama che sa drizza mo a persunas creschidas u che sa chatta en lieus, als quals las persunas minorennas n’han betg access.

Per il Cussegl federal e per il parlament va l’iniziativa memia lunsch. Cun la nova Lescha davart ils products da tubacfan els ina cuntraproposta indirecta che scumandass la reclama per products da tubac e per cigarettas electronicas sin placatsed en kinos. Er ils concerns da tubac na dastgassan betg pliconsegnar cigarettas gratuitas u sponsurar occurrenzas internaziunalas en Svizra. Pussaivla fiss vinavant la reclama als kioscs, en la pressa u en l’internet, sch’ella na sa drizza betga persunas minorennas, sco er il sponsuradi d’occurrenzas naziunalas. La nova lescha po entrar en vigur independentamain dal resultat da la votaziun davart l’iniziativa dal pievel.

Dumondada votaziun: 

Vulais Vus acceptar l’iniziativa dal pievel«Gea a la protecziun dals uffants e dals giuvenils cunter la reclama da tubac (Uffants e giuvenils senza reclama da tubac)»?

Recumandaziun dal Cussegl federal e dal parlament

Il Cussegl federal ed il parlament vulan proteger ils uffantsed ils giuvenils cunter las consequenzas nuschaivlas dal fimar. L’iniziativa – cun ses vast scumond da far reclama – va dentant memia lunsch per els. La cuntraproposta rinforza la protecziunda la giuventetgna e permetta vinavant la reclama che sa drizzaa las persunas creschidas.

Recumandaziun dal comité d’iniziativa

Cun l’iniziativa vul il comité che la reclama da tubac na cuntanschia betg pli las persunas minorennas. Tenor il comité porscha mo l’iniziativa ina protecziun efficazia da la giuventetgna. La cuntraproposta indirecta permettia numnadamain vinavant la reclama che cuntanschia ils uffants ed ils giuvenils e che mainia quels uschia en il consum nuschaivel da nicotine da tubac.

101 Nein 29 Nein 14 Ja 88 Ja 7 Enthaltungen 1 Enthaltung

Ultima midada 22.12.2021

Tar il cumenzament da la pagina

La Chanzlia federala ha adattà la versiun electronica da las explicaziuns da votaziun. Ina nova formulaziun hai dà sin p. 32 en l'emprima frasa da la part «La cuntraproposta rinforza la protecziun da la giuventetgna» e sin p. 33 en l'ultima frasa da la part «Il scumond da vendita protegia persunas minorennas» (guardar la communicaziun a las medias dals 22 da december 2021).

L’app da votaziun da la Confederaziun e dals chantuns: 

https://www.admin.ch/content/gov/rm/pagina-iniziala/documentaziun/votaziuns/20220213/iniziativa-dal-pievel-gea-a-la-protecziun-dals-uffants-e-dals-giuvenils-cunter-la-reclama-da-tubac.html