Iniziativa da giustia

Ils 28 da november 2021 vegn la populaziun a votar davart l'iniziativa da giustia.

Curtamain

Oz elegia il parlament las derschadras federalas ed ils derschaders federals. Las elecziuns han lieu mintga sis onns. Il parlament resguarda en quest connex che las partidas politicas sajan represchentadas en moda adequata (uschenumnà proporz da las partidas). Ord vista da las iniziantas e dals iniziants da l’Iniziativa da giustia pregiuditgescha questa procedura electorala l’independenza giudiziala. Ultra da quai crititgeschan ellas ed els che persunas senza partida n’hajan naginas schanzas da vegnir elegidas.

L’Iniziativa da giustia vul introducir ina nova procedura electorala: las derschadras federalas ed ils derschaders federals duain vegnir eruids en l’avegnir cun trair la sort. Tgi che dastgasa participar a la procedura da sort, vegn decidì d’ina cumissiuns pezialisada. A la decisiun tras la sort dastga questa cumissiun admetter mo persunas che han las qualificaziuns persunalas e professiunalas necessarias per l’uffizi da derschadra u derschader. E las linguas uffizialas ston esser represchentadas en moda adequata al Tribunal federal. Las derschadras federalas ed ils derschaders federals pudessan exequir lur uffizi fin 5 onns suenter la vegliadetgna ordinaria da renta. Cuntrari ad oz na stuessan ellas ed els betg sa suttametter ad ina reelecziun. Il parlament pudess revocar derschadras e derschaders mo, sch’ellas ed els avessan violà grevamain lur obligaziuns d’uffiziu na fissan betg pli ablas u abels a lunga vista d’ademplir lur uffizi.

Dumondada votaziun:

Vulais Vus acceptar l’iniziativa dal pievel«Nominaziun da las derschadras federalas e dalsderschaders federals en ina procedura da sort(Iniziativa da giustia)»?

Recumandaziun dal Cussegl federal e dal parlament

Tenor il Cussegl federal ed il parlament n’è la procedurada sort betg adattada per nominar las derschadras federalas ed ils derschaders federals. Empè d’ina elecziun democratica valess la casualitad. Ultra da quai na datti nagins indizis che las derschadras federalas ed ils derschaders federals na giuditgeschan betg en moda independenta. Il sistem vertent è sa cumprovà.

Recumandaziun dal comité d’iniziativa

Per il comité na pon las derschadras federalas ed ils derschaders federals betg giuditgar en moda independenta en il sistem vertent, perquai ch’ellas ed els ston temair da betgvegnir reelegids. Candidatas e candidats senza partida n’hanultra da quai nagina schanza da vegnir elegids. L’Iniziativa dagiustia vul curreger questas incunvegnientschas.

Ultima midada 06.10.2021

Tar il cumenzament da la pagina

L’app da votaziun da la Confederaziun e dals chantuns: 

https://www.admin.ch/content/gov/rm/pagina-iniziala/documentaziun/votaziuns/20211128/iniziativa-da-giustia.html