Iniziativa da tgira

Ils 28 da november 2021 vegn la populaziun a votar davart l'iniziativa da tgira.

Curtamain

En vista a la vegliadetgna creschenta da la populaziun stat la tgira davant grondas sfidas. Per pudair garantir sia qualitad ston vegnir scoladas dapli forzas spezialisadas da tgira ed ellas ston restar pli ditg en lur professiun.  

L’iniziativa pretenda che la Confederaziun ed ils chantuns promovian la tgira. I duai dar avunda tgirunzas diplomadas e tgirunzs diplomads e las persunas che lavuran en la tgira duain vegnir incaricadas confurm alur scolaziun ed a lur cumpetenzas. L’iniziativa pretenda er che la Confederaziun reglia las cundiziuns da lavur e ch’ella procuria per ina indemnisaziun adequata. Plinavant duain las tgirunzas ed ils tgirunzs pudair metter aquint tschertas prestaziuns directamain a las cassas da malsauns. Per il Cussegl federal ed il parlament va l’iniziativa memia lunsch. Els suttamettan ina cuntraproposta indirecta a l’iniziativa. La scolaziun e la furmaziun supplementara duain vegnir promovidas durant 8 onns cun fin ad 1 milliarda francs. Tgirunzas e tgirunzs duain pudair metter a quint directamaints chertas prestaziuns. In mecanissem da controlla duai impedir ch’ils custs da sanadad e las premias da las cassas da malsauns s’augmentian tras quai. La cuntraproposta entra en vigur, sche l’iniziativa vegn refusada e sch’i na vegn betg fatg in referendum cunter questa cuntraproposta.

Dumondada votaziun:

Vulais Vus acceptar l’iniziativa dal pievel«Per in sectur da tgira ferm (Iniziativa da tgira)»?

Recumandaziun dal Cussegl federal e dal parlament

Il Cussegl federal ed il parlament vulan rinforzar la tgira. Ma tenor els va l’iniziativa memia lunsch, cunzunt la regulaziunda las cundiziuns da lavur tras la Confederaziun. Sin basa da lur cuntraproposta vegnan scoladas svelt dapli persunas da tgira. Quellas survegnan dapli cumpetenzas, senza ch’ils custs e las premias s’augmentian pervia da quai.

Recumandaziun dal comité d’iniziativa

Per il comité è il stadi d’urgenza en la tgira gia dadit grealitad. Memia paucas persunas da tgira vegnan scoladas e memia bleras bandunan la professiun suenter paucs onns, perquai ch’ellas èn exaustas. A ses avis è la cuntraproposta indirecta dal parlament insuffizienta, perquai ch’i mancan mesiras per che las persunas da tgira restian pli ditg en la professiun.

Ultima midada 19.10.2021

Tar il cumenzament da la pagina

L’app da votaziun da la Confederaziun e dals chantuns: 

https://www.admin.ch/content/gov/rm/pagina-iniziala/documentaziun/votaziuns/20211128/iniziativa%20da%20tgira.html