Iniziativa dal pievel «Distgargiar ils salaris, imponertaglias gistas sin il chapital»

Ils 26 da settember 2021 vegn la populaziun a votar davart l'iniziativa dal pievel «Distgargiar ils salaris, imponertaglias gistas sin il chapital».

Curtamain

Oz vegnan da princip tut las entradas sco salaris, rentased entradas dal chapital (p.ex. tschains, dividendas e retgavsda locaziun) suttamessas cumplainamain a las taglias. Questas taglias sin las entradas gidan a mitigiar inegualitads che resultantar la repartiziun da las entradas entaifer la populaziun. Persunas cun grondas entradas pajan pia procentualmain dapli che persunas cun entradas bassas. Ultra da las taglias datti anc auters instruments da redistribuziun. La pli gronda part da la redistribuziun vegn realisada sur prestaziuns socialas sco rentas u agid social.

Or da l’optica da las iniziantas e dals iniziants na basta la redistribuziun vertenta betg e n’è l’imposiziun da taglia betg gista avunda. Els pretendan ina imposiziun da taglia pli fermada las entradas dal chapital autas. A partir d’ina tscherta summa duain las entradas dal chapital survegnir dapli paisa evegnir quintadas ina giada e mez tar la calculaziun da la taglia. Per mintga franc sur questa summa stuess vegnir pajada tanta taglia, sco sch’i sa tractass dad 1.50 francs. A partir da tge summa che l’imposiziun da taglia pli auta vala, vegn fixà dal parlament, sche l’iniziativa vegn acceptada. Las entradas che resultan da l’imposiziun da taglia pli auta duain vegnir duvradas per reducir la taglia per persunas cun entradas da la lavur bassas u mesaunas ubain a favur dal bainstar social.

Dumonda da votaziun:

Vulais Vus acceptar l’iniziativa dal pievel «Distgargiar ils salaris, imponer taglias gistas sin il chapital»?

Recumandaziun dal Cussegl federal e dal parlament

Per il Cussegl federal ed il parlament indeblescha l’iniziativa la posiziun da la Svizra ed ils stimuls per spargnar. Quai ha consequenzas nuschaivlas per las plazzas da lavur e per la bainstanza. En la cumparegliaziun internaziuna la èn las entradas en Svizra repartidas en moda eguala e la taglia sin il chapital è gia detg auta.

Recumandaziun dal comité d’iniziativa

Per il comité maina l'iniziativa ad ina imposiziun da tagliapli gista e distgargia 99 % da la populaziun. Oz sajan entradasdal chapital privilegiadas en differents reguards. Da quai profitianlas persunas las pli ritgas che speculeschian cun daners. Quels manchian als umans che lavuran ed a l’economia reala.

Ultima midada 10.08.2021

Tar il cumenzament da la pagina

L’app da votaziun da la Confederaziun e dals chantuns: 

https://www.admin.ch/content/gov/rm/pagina-iniziala/documentaziun/votaziuns/20210926/iniziativa-dal-pievel-distgargiar-ils-salaris-imponertaglias-gistas-sin-il-chapital.html