Votaziun dal pievel dals 10 da zercladur 2018
Ils 10 da zercladur ha la populaziun votà davart dus projects: «Per daners segirs en ina crisa: emissiuns monetaras mo da la Banca naziunala! (Iniziativa per il daner cumplain)» e la Lescha federala davart gieus per daners (Lescha da gieus per daners).
L’iniziativa vul che mo pli la Banca naziunala svizra (BNS) dastgia crear daners, las bancas da fatschenta percunter betg pli. Ultra da quai duai la BNS metter en circulaziun ils daners «senza far debits», pia senza cuntraprestaziun. Quai cun reparter ils daners directamain a la Confederaziun, als chantuns u a la populaziun. Uschia duain vegnir protegids ils daners da la clientella da banca e vegnir impedidas crisas finanzialas.
La nova lescha vul modernisar il martgà svizzer da gieus per daners ed augmentar la protecziun dals consuments. Plinavant bgarantescha ella ch’ils purschiders da gieus per daners prestan er vinavant ina contribuziun a favur da noss bainstar general.
Explicaziuns dal Cussegl federal
Links
Co, nua, cura? – Infurmaziuns utilas per las votantas ed ils votants
Cura è avert mes biro da votaziun? Cura stoss jau trametter mia votaziun per correspondenza? Tge duai jau resgurdar cun emplenir il cedel da votar?
