Conclus federal davart il nov urden da finanzas 2021

Ils 4 da mars 2018 la populaziun a votà davart il nov urden da finanzas 2021.

Da tge sa tracti?

La taglia federala directa e la taglia sin la plivalur èn las funtaunas d’entrada las pli impurtantas da la Confederaziun. Il dretg da la Confederaziun d’incassar questas taglias è limità per l’onn 2020. Cun il nov urden da finanzas 2021 vegn quest dretg prolungà fin la fin da l’onn 2035.

La dumanda da votaziun

Vulais Vus acceptar il Conclus federal dals 16 da zercladur 2017 davart il nov urden da finanzas 2021?

Recumandaziun a las votantas ed als votants

Il Cussegl federal ed il parlament recumondan d’acceptar la disposiziun constituziunala davart il nov urden da finanzas 2021. Il Cussegl naziunal ha acceptà il project cun 196 cunter 0 vuschs e 0 abstenziuns, il Cussegl dals chantuns cun 44 cunter 0 vuschs e 0 abstenziuns.


Argument dal Cussegl federal

Ultima midada 16.01.2018

Tar il cumenzament da la pagina

https://www.admin.ch/content/gov/rm/pagina-iniziala/documentaziun/votaziuns/20180304/neue-finanzordnung-2021.html