Votaziun dal pievel dals 4 da mars 2018
Ils 4 da mars 2018 ha la populaziun votà davart dus projects: Conclus federal davart il nov urden da finanzas 2021 ed Iniziativa dal pievel «Gea per abolir las taxas da radio e televisiun (Abolir las taxas Billag)».
La taglia federala directa e la taglia sin la plivalur èn las funtaunas d’entrada las pli impurtantas da la Confederaziun. Il dretg da la Confederaziun d’incassar questas taglias è limità per l’onn 2020. Cun il nov urden da finanzas 2021 vegn quest dretg prolungà fin la fin da l’onn 2035.
L’iniziativa vul abolir la taxa da recepziun per radio e televisiun. Questa taxa gida oz decisivamain a finanziar la SSR sco er ils radios locals e las televisiuns regiunalas che han ina incumbensa da service public.
Explicaziuns dal Cussegl federal
Links
Co, nua, cura? – Infurmaziuns utilas per las votantas ed ils votants
Cura è avert mes biro da votaziun? Cura stoss jau trametter mia votaziun per correspondenza? Tge duai jau resgurdar cun emplenir il cedel da votar?
