Iniziativa dal pievel «Per l’abandun programmà da l’energia nucleara (Iniziativa per l’abandun da l’energia nucleara)»

Da tge sa tracti?

L’iniziativa vul scumandar la construcziun da novas ovras nuclearas en Svizra e limitar la durada da las ovras nuclearas existentas en funcziun. Ultra da quai duai la Confederaziun procurar ch’i vegnia duvrà main energia, che l’effizienza energetica vegnia augmentada e che energias regenerablas vegnian promovidas.

La dumonda da votaziun

Vulais Vus acceptar l’Iniziativa dal pievel «Per l’abandun programmà da l’energia nucleara (Iniziativa per l’abandun da l’energia nucleara)»?

Recumandaziun a las votantas ed als votants

Il Cussegl federal ed il parlament recumondan da refusar l’iniziativa. Il Cussegl naziunal ha refusà l’iniziativa cun 134 cunter 59 vuschs e 2 abstenziuns, il Cussegl dals chantuns cun 32 cunter 13 vuschs senza abstenziuns.


Ultima midada 24.05.2018

Tar il cumenzament da la pagina

https://www.admin.ch/content/gov/rm/pagina-iniziala/documentaziun/votaziuns/20161127/Iniziativa-per-l-abandun-da-l-energia-nucleara.html