Votaziuns dal pievel dals 5 da zercladur 2016

Ils 5 da zercladur 2016 ha la populaziun votà davart tschintg projects.

Resultats

Iniziativa popolare «A favore del servizio pubblico»

Iniziativa dal pievel «A favur dal servetsch public»

L’iniziativa dal pievel vul che la Confederaziun e las interpresas federalas na persequiteschian naginas finamiras da gudogn en il sectur dal provediment da basa. Las pajas en questas interpresas na dastgan betg esser pli autas che quellas da l’administraziun federala.

La posiziun dal Cussegl federal e dal parlament

Il Cussegl federal ed il parlament recumondan da refusar l’iniziativa.

Extract da la conferenza da pressa cun cussegliera federala Doris Leuthard:

Iniziativa popolare «Per un reddito di base incondizionato»

Iniziativa dal pievel «Per in’entrada da basa nuncundiziunada»

L’iniziativa vul che la Confederaziun introduceschia in’entrada da basa nuncundiziunada. Tala duai pussibilitar a l’entira populaziun in’existenza en dignitad ed ina participaziun a la vita publica, independentamain d’ina activitad da gudogn.

La posiziun dal Cussegl federal e dal parlament

Il Cussegl federal ed il parlament recumondan da refusar l’iniziativa.

Extract da la conferenza da pressa cun cusseglier federal Alain Berset:

Iniziativa popolare «Per un equo finanziamento dei trasporti»

Iniziativa dal pievel «Per ina finanziaziun gista dal traffic»

L‘iniziativa vul ch‘ils retgavs da la taxa sin carburants vegnian duvrads mo per expensas en il traffic sin via. Ina mesadad dal retgav da questa taxa stat oz a disposiziun per il traffic sin via, l‘autra mesadad per las ulteriuras incumbensas da la Confederaziun.

La posiziun dal Cussegl federal e dal parlament

Il Cussegl federal ed il parlament recumondan da refusar l’iniziativa.

Extract da la conferenza da pressa cun cusseglier federal Ueli Maurer:

Modifica della legge federale sulla medicina della procreazione (LPAM)

Midada da la Lescha federala davart la reproducziun cun assistenza medicala (LRAM)

Tras la midada da la Lescha davart la medischina da reproduc-ziun duai vegnir permessa la diagnostica da preimplantaziun (DPI). Sut premissas severas duain embrios ch‘èn vegnids generads tras ina fructificaziun artifiziala, pudair vegnir anali-sads geneticamain.

La posiziun dal Cussegl federal e dal parlament

Il Cussegl federal ed il parlament recumondan d’acceptar la midada da la Lescha davart la medischina da reproducziun.

Extract da la conferenza da pressa cun cusseglier federal Alain Berset:

Midada da la Lescha d’asil (LAsil)

Proceduras d‘asil duran oz savens zunt ditg. Il Cussegl federal ed il parlament vulan renovar fundamentalmain il sectur d‘asil cun agid da proceduras pli sveltas e gistas. Cunter questa revisiun da la Lescha d‘asil èsi vegnì fatg in referendum.