Ils 28 da favrer han las persunas svizras cun dretg da vuschar votà davart la midada da la Lescha federala davart il traffic da transit sin via en il territori da las Alps (Sanaziun dal tunnel da via tras il Gottard).
Da tge sa tracti?
Il tunnel da basa dal Gottard sto vegnir sanà. La midada da la lescha permetta da construir in segund tunnel e da lura sanar il tunnel existent. Uschia è garantida la colliaziun stradala tras il Gottard er durant il temp da sanaziun. En la lescha vegni plinavant francà ch’igl è adina mo avert in vial per direcziun.
La dumonda da votaziun
Vulais Vus acceptar la midada dals 26 da settember 2014 da la Lescha federala davart il traffic da transit sin via en il territori da las Alps (LTTV) (Sanaziun dal tunnel da via tras il Gottard)?
Recumandaziun a votantas e votants
Il Cussegl federal ed il parlament recumondan d’acceptar la midada da la Lescha federala davart il traffic da transit sin via en il territori da las Alps (Sanaziun dal tunnel da via tras il Gottard).
Il Cussegl naziunal ha acceptà il project cun 120 cunter 76 vuschs e 2 abstenziuns, il Cussegl dals chantuns cun 28 cunter 17 vuschs senza abstenziuns.
Documentaziun
Explicaziuns dal Cussegl federal
Links
Co, nua, cura? – Infurmaziuns utilas per las votantas ed ils votants
Cura è avert mes biro da votaziun? Cura stoss jau trametter mia votaziun per correspondenza? Tge duai jau resgurdar cun emplenir il cedel da votar?
Ultima midada 17.06.2019
