Refurma da la taglia sin l'ierta

In bul da l'Uffizi da taglia dad Uster, registrà ils 20 d'october 2014 (KEYSTONE/Christian Beutler)

Da tge sa tracti?

Questa iniziativa vul introducir ina taglia naziunala sin l’ierta e sin donaziuns. La tariffa da taglia per iertas e per donaziuns duai importar 20 pertschient, ma ils emprims 2 milliuns francs da l’ierta u da la donaziun duain esser deliberads da la taglia. Dus terzs dal retgav duain ir a l’AVS, in terz als chantuns.

La dumonda da votaziun

Vulais Vus acceptar l’iniziativa dal pievel «Far pajar taglias sin iertas da milliuns per finanziar nossa AVS (Refurma da la taglia
sin l’ierta)»?

Recumandaziun a votantas e votants

Il Cussegl federal ed il parlament recumondan da refusar l’iniziativa.

Il Cussegl naziunal ha refusà l’iniziativa cun 135 cunter 60 vuschs ed 1 abstenziun, il Cussegl dals chantuns cun 34 cunter 9 vuschs e 2 abstenziuns.

Links

Co, nua, cura? – Infurmaziuns utilas per las votantas ed ils votants

Cura è avert mes biro da votaziun? Cura stoss jau trametter mia votaziun per correspondenza? Tge duai jau resgurdar cun emplenir il cedel da votar?

Las respostas sin ch.ch/democrazia

 

Ultima midada 17.06.2019

Tar il cumenzament da la pagina

https://www.admin.ch/content/gov/rm/pagina-iniziala/documentaziun/votaziuns/20150614/refurma-taglia-ierta.html