Votaziun dal pievel dals 14 da zercladur 2015
Ils 14 da zercladur 2015 ha la populaziun votà davart quatter projects.
Resultats
Tras la midada da l’artitgel constituziunal vegn stgaffida la premissa per che tscherts pèrs possian far diever cun schanzas da success da la diagnostica da preimplantaziun, vul dir da l’analisa genetica d’embrios, avant che quels vegnan implantads en la madra da la mamma.
Questa iniziativa pretenda che nov la Confederaziun enstagl dals chantuns saja cumpetenza per la furmaziun superiura. Tgi che fa ina scolaziun superiura, duai survegnir stipendis tenor criteris unitars.
Questa iniziativa vul introducir ina taglia naziunala sin l’ierta e sin donaziuns. La tariffa da taglia per iertas e per donaziuns duai importar 20%, ma ils emprims 2 milliuns. fr da l’ierta u da la donaziun duain esser deliberads da la taglia. 2/3 dal retgav duain ir a l’AVS, 1/3 als chantuns.
La midada da la Lescha federala davart radio e televisiun vul remplazzar la taxa da recepziun, che vegn incassada oz tenor apparat, tras ina taxa generala. Sco fin ussa va il retgav a favur da la SSR e d’emetturs locals da radio e televisiun.
Documentaziun
Explicaziuns dal Cussegl federal
Links
Co, nua, cura? – Infurmaziuns utilas per las votantas ed ils votants
Cura è avert mes biro da votaziun? Cura stoss jau trametter mia votaziun per correspondenza? Tge duai jau resgurdar cun emplenir il cedel da votar?
Las respostas sin ch.ch/democrazia