Per il 1. da fanadur 2006 è la Lescha federala davart il princip da la transparenza da l'administraziun (Lescha davart la transparenza, LTrans) entrada en vigur. Tenor quella ha mintga persuna il dretg da survegnir access a documents publics da l'administraziun federala, premess che interess publics u privats predominants na s'opponian betg ad ina publicaziun. Quest dretg exista independentamain da la naziunalitad u dal domicil da la petenta u dal petent. I na sto er betg vegnir inditgà in motiv spezial.
Ins po prender invista da documents ch'èn vegnids fatgs pli tard ch'il 1. da fanadur 2006.
Sche Vus As interessais per in document public, inoltrai per plaschair Vossa dumonda al departament cumpetent resp. a la Chanzlia federala:
- Chanzlia federala
- Departament federal per ambient, traffic, energia e communicaziun
- Departament federal d'economia
- Departament federal da finanzas
- Departament federal da defensiun, protecziun da la populaziun e sport
- Departament federal da giustia e polizia
- Departament federal da l'intern
- Departament federal d'affars exteriurs
