Nua lavura la regenza?

Las plazzas da lavur da las cusseglieras federalas e dals cussegliers federals sa chattan en lur departaments respectivs. Per lur sesida emnila sa scuntran ellas ed els en la sala da sesidas dal Cussegl federal. Occurrenzas spezialas han lieu en la residenza da champagna Lohn a Kehrsatz u en la Chasa Beatrice von Wattenwyl a Berna.

La sala da sesidas dal Cussegl federal

En la sala da sesidas dal Cussegl federal – er numnada «Chalet fédéral» – han lieu las sesidas emnilas dal Cussegl federal.

Residenza da champagna Lohn

Il Cussegl federal dovra la residenza da champagna Lohn en emprima lingia per retschaiver giasts uffizials. Numerus schefs e numerusas scheffas da stadis èn vegnids beneventads là.

Chasa Beatrice von Wattenwyl

Il Cussegl federal dovra la Chasa von Wattenwyl per beneventar giasts, ma er per suttascriver contracts e per manar discurs politics.

Ultima midada 13.01.2016

Tar il cumenzament da la pagina