Vicechancelier André Simonazzi

André Simonazzi, Vicechancelier dapi l'avrigl 2009 (fotografia Rolf Weiss, 2016).

André Simonazzi è naschì l'onn 1968 a Monthey. Suenter il temp da scola obligatoric a Monthey ha el frequentà il gimnasi dal collegi St-Maurice ch'el ha terminà l'onn 1988 cun la matura tip B. Alura è el s'immatriculà a l'universitad da Genevra per il studi da relaziuns internaziunalas ch'el ha terminà l'onn 1992 cun il licenziat.

Tar il "Nouvelliste" ha el absolvì la scolaziun da schurnalist avant ch'el è entrà en il servetsch da la Caritas Svizra l'onn 1995, nua ch'el ha occupà il post dal schef d'infurmaziun e dal pledader da pressa per la Svizra franzosa.

L'onn 2004 ha el midà al Departament federal per ambient, traffic, energia e communicaziun (DATEC), nua ch'el ha lavurà sco ultim sco schef d'infurmaziun. Ils 12 da november 2008 è el vegnì nominà sco pledader dal Cussegl federal, il 1. d'avrigl 2009 ha el cumenzà sia nova incumbensa.

Ulteriuras infurmaziuns

https://www.bk.admin.ch/content/bk/rm/home/bk/vicechancelier-andre-simonazzi.html