Tastas d'access:
Las autoritads federalas da la Confederaziun svizra
Las autoritads federalas da la Confederaziun svizra
Entschatta dals cuntegns
Il stadi federativ
La Svizra è ina naziun tras voluntad politica. Ella na furma nagina unitad etnica, linguistica u religiusa. Dapi il 1848 è la Svizra in stadi federativ. La structura statala da la Svizra è federalistica e sa cumpona dals trais stgalims politics Confederaziun, chantuns e vischnancas.
Confederaziun
La Confederaziun è la designaziun svizra per il stadi. En la Confederaziun svizra existan trais differentas pussanzas: l'executiva (Cussegl federal), la legislativa (Assamblea federala) e la giudicativa (Tribunal federal).
Chantuns
La Svizra consista da 26 chantuns. Els èn ils stadis oriunds ch'èn s'unids l'onn 1848 a la confederaziun e che han cedì ina part da lur suveranitad a quella.
Vischnancas
Las vischnancas èn il stgalim il pli bass da l'urden dal stadi. Tut ils chantuns èn dividids en vischnancas politicas. Ultra da las incumbensas che las vegnan attribuidas da lur chantun ed er da la confederaziun, surpiglian las vischnancas en tscherts secturs er atgnas cumpetenzas.
Fin dals cuntegns
