Il Tribunal federal a Losanna ed a Lucerna represchenta dretgira suprema da la Svizra. Quella represchenta sin il plaun da las trais pussanzas dal stadi – ultra da l'assamblea federala legislativa (legislativa) e dal cussegl federal executiv (executiva) – la forza giudiziala (giudicativa). Las instanzas giudizialas da la confederaziun vegnan engrondidas actualmain. L'avrigl 2004 ha il nov tribunal penal federal a Bellinzona cumenzà cun sia lavur. Il tribunal administrativ federal ha cumenzà sia activitad il 1. da schaner 2007 ed ha sia sedia a Berna. Il pli baud il 2012 vegn ella transferida definitivamain a Son Gagl.