Small JavaScript is used for display and check functions Swiss Legislation
Las autoritads federalas
da la Confederaziun svizra

Collecziun sistematica dal dretg federal

I. Relaschs federals en rumantsch

En quest lieu vegnan publitgads en rumantsch relaschs che han ina impurtanza speziala. La chanzlia federala determinescha quests relaschs suenter avair tadlà la chanzlia chantunala dal Grischun.

Actualmain stattan a disposiziun passa 40 relaschs federals en rumantsch, da la Constituziun federala sur il Dretg d'obligaziuns ed il Cudesch civil svizzer fin a la Convenziun da basa per proteger las minoritads naziunalas.

Ils relaschs federals rumantschs èn vegnids translatads e revedids dal servetsch da translaziuns da la chanzlia chantunala dal Grischun. En l'avegnir vegnan quests relaschs actualisads regularmain.

Areguard la valaivladad dals relaschs han mo las trais versiuns en tudestg, en franzos ed en talian la medema vigur giuridica. Dal rest n'èsi betg previs da translatar tut ils relaschs federals en rumantsch.

En rumantsch n'exista nagin fegl uffizial federal. Tuttina vegn la scursanida BBl (Bundesblatt) translatada cun «fegl uffizial federal». Las cifras en las translaziuns rumantschas sa refereschan pia al fegl uffizial federal tudestg. Il medem vala per CULF (collecziun uffiziala da las leschas federalas), per CRLF (collecziun repassada da las leschas ed ordinaziuns federalas 1848–1947) ed en tscherts cas er per CS (collecziun sistematica dal dretg federal).

II. Cuntegn dal dretg naziunal

  1. Stadi - Pievel - Autoritads
  2. Dretg privat - Giurisdicziun civila - Execuziun
  3. Dretg penal - Giurisdicziun penala - Execuziun
  4. Scola - Scienza - Cultura
  5. Defensiun naziunala
  6. Finanzas
  7. Ovras publicas - Energia - Traffic
  8. Sanadad - Lavur - Segirezza sociala
  9. Economia - Cooperaziun tecnica

Per propostas e per communicaziuns: Center da las publicaziuns uffizialas