|
|
|
Iniziativa dal pievel «per victualias producidas senza tecnologia genetica»
L’iniziativa dal pievel «per victualias producidas senza tecnologia genetica» pretenda ch’i na dastgan vegnir cultivadas naginas plantas e tegnids nagins animals en l’agricultura svizra ch’èn vegnids modifitgads geneticamain. Quest scumond duai valair tschintg onns. Il cussegl federal ed il parlament refusan questa iniziativa, perquai che la lescha vertenta davart la tecnica genetica garantescha gia en moda cumplessiva la protecziun da l’uman, da l’animal e da l’ambient.
Midada da la lescha da lavur
Il cussegl federal ed il parlament vulan permetter a las fatschentas en staziuns pli grondas e sin las plazzas aviaticas da laschar lavurar lur persunal – independentamain da lur purschida – er la dumengia. Cunter quai è vegnì lantschà il referendum.
