Votaziun federala dals 3 mars 2002
Explicaziuns dal cussegl federal
|
PDF
|
Objects da la votaziun
Iniziativa populara «davart l’adesiun da la Svizra a l’Organisaziun
da las Naziuns Unidas (ONU)»
Objects da la votaziun
La Svizra ed il Vatican èn ils sulets pajais dal mund che
n’èn betg commembers da l’ONU. L’iniziativa populara
«davart l’adesiun da la Svizra a l’Organisaziun da las Na-ziuns
Unidas (ONU)» vul midar quest fatg. Ella pretenda
che noss pajais sa participeschia sco commember cum-plain
a l’ONU. Il cussegl federal ed il parlament beneventan
l’iniziativa. La Svizra po represchentar meglier ses interess
sin plaun internaziunal, sch’ella influenzescha directamain
là nua che las decisiuns vegnan tratgas. L’ONU è oz il gremi
il pli impurtant dal mund, nua che stadis gronds e pitschens
tschertgan communablamain soluziuns per problems che
na sa ferman avant nagins cunfins naziunals. La Svizra
è bain gia sa participada fin uss a numerus projects da
l’ONU per la pasch, la segirezza, la protecziun dals uffants,
ils dretgs umans, il cumbat da la paupradad, l’agid d’ur-genza
e la protecziun da l’ambient. Ma en il futur na duai
ella betg be s’engaschar sco observatura, mabain sco
commember cumplain da la cuminanza da stadis. L’adesiun
a l’ONU e nossa neutralitad èn plainamain cumpatibels.
La dumonda da la votaziun
Il pli impurtant en furma concisa
Il comité d’iniziativa fa valair
Posiziun dal cussegl federal
Text da la votaziun
La Charta da l’ONU sin empustaziun ed en l’internet
Iniziativa populara «per ina durada reducida dal temp da lavur»
Objects da la votaziun
L’iniziativa populara «per ina durada reducida dal
temp da lavur» pretenda ch’il temp da lavur ad onn per tut las lavurantas
e tut ils lavurants duai vegnir reducì pass per pass sin 1872 uras; quai
correspunda ad in temp da lavur mesaun da 36 uras per emna. Il cussegl federal
ed il parlament refuseschan l’iniziativa, perquai ch’ella avess consequenzas
nuschaivlas per nossa economia. Els èn da l’avis ch’il temp
da lavur na duai betg esser fixà definiti-vamain en la constituziun,
mabain ch’el duai vegnir stipulà en cunvegnientscha tranter ils
partenaris socials.
La dumonda da la votaziun
Il pli impurtant en furma concisa
Il comité d’iniziativa fa valair
Posiziun dal cussegl federal
Text da la votaziun
