Las finamiras annualas dal cussegl federal (LParl art. 144) ch'èn vegnidas introducidas l'onn 1996, ston vegnir accordadas cun la planisaziun da la legislatura e ston vegnir communitgadas al parlament. Mintgamai en la sessiun d'enviern e sa basond sin las finamiras annualas fa la presidenta u il president da la confederaziun en num dal cussegl federal in'analisa da la situaziun a bucca. Las finamiras annualas èn er la basa per il parlament per examinar la gestiun dal cussegl federal. En ses rapport da gestiun fa il cussegl federal mintga onn bilantscha davart l'adempliment da las finamiras e motivescha las divergenzas envers il plan.