La regenza svizra consista da set commembras e commembers che vegnan elegids da l'assamblea federala per ina perioda d'uffizi da quatter onns. Tut la chargia da lavur che pervegn al Cussegl federal vegn repartida sin ils set departaments federals. Quels èn las unitads d'organisaziun supremas da l'administraziun federala e vegnan manads d'ina cussegliera federala u d'in cusseglier federal.